PUBLICACIÓNS

O grupo está formado por doce membros especialistas en enerxía, mecanización, termotecnia, expresión gráfica e modelización agroforestal traballando conxuntamente para acadar este enfoque global na agricultura, gandería e na xestión forestal.

As liñas de investigación do grupo, abórdanse cun enfoque global con especialistas en enerxía, mecanización e modelización agroforestal traballando conxuntamente e son:

• Monitoraxe, modelización e control de variables ambientais, animais e produtivas en explotacións gandeiras. Benestar animal.
• Aplicación das enerxías renovables, sustentabilidade e eficiencia enerxética no medio rural.
• Agricultura de precisión. Smart Farming.
• Gandería de precisión. Mecanización de explotacións gandeiras.
• Sistemas de labra e recolección en pataca e cultivos forraxeiros (millo forraxeiro e pratenses).
• Xestión loxística de parques de maquinaria. Modelado, simulación e xestión de rutas.
• Optimización de redes de drenaxe subterránea para solos agrícolas.
• Calidade da madeira, aptitude tecnolóxica (física e química) e certificación con mellora da trazabilidade do produto segundo a súa aplicabilidade nas industrias de primeira e segunda transformación.
• Desenvolvemento sostible do mundo rural: Planificación, xestión e uso da madeira de especies frondosas caducifolias na industria tonelera.
• Procesado, valorización e aplicacións de subproductos e residuos de industrias agroalimentarias

Nesta figura amósase o ámbito de actuación do grupo, comprometido coa mellora do medio rural mediante o emprego da enxeñería de biosistemas levada á fronteira do coñecemento.

Para acadar este enfoque global disponse de especialistas en enerxía, mecanización e modelización agroforestal traballando conxuntamente. Na enerxía traballan 4 profesores e un investigador predoutoral, investigando en enerxías renovables e eficiencia enerxética en explotacións gandeiras. En mecanización agroforestal destacan a agricultura e gandería de precisión, os sistemas de laboreo, a eficiencia no transporte e a xestión de residuos, ao que se adican 7 profesores. En modelización forestal traballan 2 profesores e unha investigadora en formación, perseguindo a valorización dos produtos forestais mediante producións certificadas de calidade. A actuación conxunta de especialistas en enerxía e mecanización permitirá desenvolver explotacións gandeiras e agrícolas intelixentes (smart farming).